धरणी झाली तरणी ...

अलका_काटदरे | 13 July, 2008 - 03:05

आला रे आला पाऊस आला
वर्षभराचे हितगुज करायला

आला रे आला मला तो भेटायला
घेऊन आला तो बरोबर वार्‍याला

उन्हाच्या झळी सार्‍या शमवायला
नजरेतले सारे भाव टिपायला

भाव माझे पाहून थोडा ओशाळला
पाया पडून माझ्या, क्षमाचार केला
ऊशीर नाही करणार, जास्त नाही थांबणार
शिस्तीत तुझ्या राहणार, विनवता झाला

झाडाना सार्‍या सलाम त्याने केला
बाळांवर प्रेमवर्षाव अमाप त्याने केला
दिवसांचे सार्‍या सोने त्याने केले
गतकालिन पाप धुऊन सारे नेले

वाट पाहून थकल्यावर मी तो आला..
तरणी करून मला, न सांगता तो गेला !