तू आहेस ना !

 तू आहेस ना अंतरी , तू आहेस ना !

सात्विक गुण तुझे, सन्मान वचन तुझे

शिस्त तुझी मर्यादा, त्रिवार वंदन पुरुषोत्तमा

तू आहेस ना !

वेळ कशी आली, काळ सांगून येत नाही

कोण येते  कोण जाते,हिशेब काही लागत नाही

पण तू आहेस ना ! 

आशा किती ठेवायची, उमेद किती बाळगायची

जळी स्थळी तो दिसे, मन माझे कापून उठे

शांत करण्या मला तू आहेस ना ! 

आयुष्य समोर दिसे, काय दिले का घेतले

क्षमा याचना करे, काही जर भले बुरे

साक्षीला त्या तू आहेस ना ! 

तुझे  गुण सर्वान लागो, प्रेम भक्ती दूर पसरो

मर्यादा पुरुष तू, तुझे राज्य आम्हा लाभो

सार्थ कराया हे तू , आहेस ना अंतरी  !! 

           अलका काटदरे (30.4.20)