आगमन

तो नक्की येईल..
त्याच्या आगमनाची वार्ता सर्वानाच आहे..
कुणी त्याच्या आकर्षक वर्णनात गुंततात
तर कुणी त्याला धडा शिकवू म्हणतात
कुणी वाट पाहात राहतात..
कुणी तो येईल, तसा जाईल म्हणतात
मी मात्र विश्वासून आहे, तो नक्की येईल..
माझ्या त्याची ऐट न्यारी
दीपवील तो सर्वाना तिन्ही प्रहरी
सुखाचे गाणे गाईल, दु:खावर मात करून
विश्वासाचे नाते निर्मिल, सुसंस्कृतीचे जाळे विणून
तो येण्याअगोदर सगळं कसं तय्यार पाहिजे
आज मात्र त्यासाठी मला झगडायला पाहिजे
न रडता, न चिडता, न थकता..

त्याच्यासाठी पायघड्या घालता घालता
रात्र कधीच सरून जाईल
तो नक्की येईल..

माझा उद्या नक्की येईल-
लवकरच येईल....
-Alvika