झुला

स्तब्ध शांत सुन्न हे 

वाट कशाची मन पाहे 

पान ही हलेना, फुलही डोलेना 

एकही विचार मनात येईना

उर्मी नसे, उचंबळही  नाही

कसे, केव्हा, झाले मन हे असे 

अलगद झुल्यावर बसले जरी 

झुला स्थिर ठेवला असे

नका त्याला जराही 

नका त्याला जराही, देऊ झोका 

स्तब्ध शांत सुन्न हे

वाट कशाची मन पाहे

झुला घेईल हिंदोळे, वाऱ्या सहे

मन नाजूक, हुंकारेल..

नका आत्ता, त्याला जराही 

नका आत्ता, त्याला जराही देऊ झोका 

स्तब्ध, शांत, सुन्न हे

वाट कोणाची हे मन पाहे ..