शिदोरी

Add on  तिकिटावर  प्रवास सुरु झाला 

वाटेवर फराळ घरून मिळालेल्या शिदोरीचा केला 

अर्थात काहीबाही मिळवतच राहिलो दर स्टेशनवर 

कष्टांची झोळी पसरून extensions  ही मागितली 

पत्येक टप्प्यावर..

जेवढे जमले तेवढे आणि झेपेल तेवढे जायचे ठरवले

अर्थात ते शेवटचे स्टेशन खुणावतच राहिले

जे जे चांगले ते ते विकत घेतले

नको असलेले मात्र गरजूंना देऊन झाले 

कधी निसर्ग तर कधी बाह्यरंग पाहताना

अंतर्मनात डोकावायला कधी नाही विसरलो

गाडी कधी स्लो track वर तर कधी fast असताना

ठरल्या वेळेतच मुक्काम गाठायचा ठरवले.

शिदोरी होतीच, ठिय्या करून बस्तान बसवले

इथपर्यंत आलो  हे सुख मिळाले, आनंद झाला

आणि मग त्या सुखी सदऱ्याला तेथेच ठेऊन निघालो

- परतीच्या प्रवासाला ..

-               अनुभवांची शिदोरी घेऊन....