आढावे घेऊन झाले
आलेख काही चितारून
मागे वळून झाले
पुढे जरासे डोकावून
पसारे आवरून झाले
अजून ही थोडे करून
उत्तरे शोधून झाली
प्रश्न नवे निर्माण करून
पहिलाच दिवस वर्षाचा
घ्या सर्व काही करून
मनाची थोडी उलथापालथ
पहा विश्रांती थोडी घेऊन
काल होता, आज आहे
उद्या नक्की येणार आहे
आणि तो आपलाच आहे
लागा कामाला उद्यापासून
भविष्यावर नजर रोखून !
उद्यावर ठाम विश्वास ठेऊन !
1.1.22
पोस्ट्स
कोणत्याही टिप्पण्‍या नाहीत:
टिप्पणी पोस्ट करा