फुकट काहीच मिळत नाही
आणि घेऊ ही नये
शिकलो होतो आपण लहानपणी
सत्य कटू असते पण
नेहमी सत्य च बोलावे
पाठ झाले होते लहानपणी
कुणा त्रास देऊ नये
हिंसा तर नाहीच नाही
आचरले होते लहानपणी
प्रेमाने वागावे सर्वांशी
दया क्षमा शांती ने
माणुसकी होती लहानपणी
शाळेत घरीदारी सर्वत्र
मोठ्यांच्या तोंडी, पुस्तकात
हेच तर मंत्र होते लहानपणी
मोठे झाल्यावर असे काय झाले
सर्व चित्र पालटले
आपले लहानपण संपले तरी
समोर लहानगे आहेतच ना
कोणती पुस्तके वाचली ह्यांनी
कोणते मंत्र उच्चारले
कोणत्या मोठ्या शाळेत गेले
सर्वजण हे मोठे होऊन मोठेपणी !
अलका काटदरे/ ९.८.२३
पोस्ट्स
कोणत्याही टिप्पण्‍या नाहीत:
टिप्पणी पोस्ट करा