पाऊस आला की
काय काय घेऊन येतो बरोबर !
थंड वारा पुढे पाठवतो
मागून येतात भजी, चहा
हे झाले भौतिक
लोणचे, मऊ भात
गोधडीची ऊब
आणि साजूक तूप
सोबत गप्पा मौलिक
तळलेले गरे
गरमागरम वडे
अंगणात शुभ्र
प्राजक्ताचे सडे
पाऊस आला की मने चिंब
ओथंबून येती आठवणी
जरी धरती बदले रंग !
नित्य नियमाने येणारा
आसमंत मोहरुन टाकणारा
कधी माफक कधी सैराट
तरीही वाट पाहे चराचरी चातक !
अलका काटदरे/२७.५.२१
पोस्ट्स
कोणत्याही टिप्पण्या नाहीत:
टिप्पणी पोस्ट करा