हे वर्ष तसे जगण्यातच गेले

एकेक श्वास मोजण्यात गेले

झोप उडाली स्वप्ने कुठली

रोजचा पाठ  गिरवून  गेले

आरोग्याची गुरुकिल्ली नियम

मंत्र मनाशी रुजवून गेले

कोण आपला कोण परका

नाही उरले काही,  सांगून गेले

चिंता विवंचना दूर राहिल्या

सकाळ दिसेल ना, संभ्रमुन गेले

घास आठवून मना बळकटी

गप्पागोष्टी पण विसरवून गेले

एकमेका साह्य आणि सह्य

दोघांचं मेळ घालवून गेले

कित्येक गोष्टी भिजून राहिल्या

घोंगड्याची ऊब समजावून गेले

येणारे वर्ष समृध्द असू दे

एकेका श्वासा भिनवून गेले

                  3.12.2020