सध्या जगणे एवढे

एकच काम राहिले आहे.

त्यासाठी काढे,मेवा, 

फळे आणि पालेभाज्या

व्यायाम, ध्यान, diet आणि 

तऱ्हे तऱ्हेच्या थेरपी

ते कमी पडल्यास औषधे

वेगवेगळी आयुर्वेद, होमिओपॅथी

आणि अखेरीस allopathy.

एवढे सर्व करून जगून

करायचे काय

समोर काहीतरी ध्येय पाहिजे ना

आणि हे प्रयत्न कशाला तर

शेवट पर्यंत स्वावलंबी राहायला

अर्धवट राहिलेली स्वप्ने

साठून राहिलेली कामे

पुऱ्या न होणाऱ्या गाठी भेटी

आणि गप्पा गोष्टी

शेवटी काय

आनंद मिळवणे हेच ध्येय

मग मिळवू की रोजच्या वागण्यात

बोलू छान छान,  वाचू छान छान

गाऊ छान छान, नाचू छान छान

अंत ठरलेला आहे

त्याची वार्ता च कशाला काढायची 

आणि तो एवढ्यात बोलवायचा कशाला

लांब ठेवायचा त्याला 

आत्ताच चेहरा पाडून राहिले तर

त्याला आपली दुर्बलता समजते

आणि त्याला हेच हवे असते !

आनंद असेल तेथे तो फिरकत नाही

हे लक्षात ठेवायचे ! 

दिवस हसून साजरा करायचा 

जमेल तेवढे स्वावलंबन करून

शेवट पर्यंत ! 

3.2.22