तुझा विचार मनात येताच 

मन अगदी हरखून जाते

जेव्हा केव्हा निराश होते

मन कधी खट्टू होते

आशेची पकड ढीली होती

प्रयत्न तोकडे पडतात

एकटेपणा अंगावर येतो

समोर रस्ता दिसेनासा होतो

तेव्हा फक्त तू दिसतोस

आणि  वाटते

झेपावे तुझ्याकडे

सारे सारे विसरून शिरावे 

तुझ्या पाशात चिर निद्रेसाठी !

आपले नाते आहेच असे विश्वासाचे

मी म्हणजे खळाळणारे जीवन

आणि तू साक्षात ! 

समोर दोन्ही बाहू पसरून राहिलेला ! 

तुझे खरेच अनंत आभार

मनाला तुझा खूप खूप आधार 

   @अलका काटदरे/ 30.7.22