प्रेम तुझे माझे राही
विश्वाच्या ही अंती
एकेक क्षण जगू
एकमेका संगती
रात्र थोडी सोंगे फार
असे असले तरी
एकेक श्वास घेऊ
रोज नव्या काती
प्रेम असे दया माया
प्रेम असे ममता
निस्सीम प्रेमा पोटी
विविध भाव बसती
प्रेम दोन शब्दांचे
जन्मी सार्थ करू
चालू बिकट वाट जरी
घेऊनी हात हाती
खेळ खेळू मनोभावे
दुःख सारे विसरुनी
साथ सोबत अर्थ सांगू
लावूनी प्रेम वाती
प्रेम तुझे माझे बरसे
धरतीच्या अंगणी
आसमंत हर्षित होई
दिशा दिशा उजळती
प्रेम तुझे माझे राही
विश्वाच्या संगती !
एकेक क्षण जगू
निर्मून नवी नाती !
अलका काटदरे/१३.२
पोस्ट्स
कोणत्याही टिप्पण्या नाहीत:
टिप्पणी पोस्ट करा