गेले कोठे हे तेहतीस कोटी देव
का नव्हतेच केव्हा अस्तित्वात ?
खाली विश्वात काय चालू आहे
पाहत बसले आहेत निवांत
उपाय नाही, प्रतिबंध नाही
फुक्या विश्वासाला काय अर्थ
सेवा करिती रोज अब्ज पामर
सांगती देवांना ठेव सर्वांना सुखात
एकाचे सुख दुसऱ्याचे होई दुःख
लक्ष नसे का काय मागणी प्रार्थनेत
सर्वांच्या पुऱ्या केल्या जर विकृत ही इच्छा
काय उपयोग त्राता म्हणूनी देव मखरात
चराचर जर तुमचे देवांनो आम्ही मानतो
का नाही ध्यान देऊनी तुम्ही त्याला सांभाळत ??
-अलका काटदरे/२७.७.२३
कोणत्याही टिप्पण्या नाहीत:
टिप्पणी पोस्ट करा